Денеска во романскиот град Клуж се одржа ждрепката за квалификациите за пласман на Европското првенство 2026. Македонија за пласман на континенталниот собир ќе се бори против репрезентациите на Словенија, Белгија и Германија.
Пласман на Европското првенство обезбедат првопласираните и второпласираните од секоја група, како и четирите најдобри третопласирани од вкупно шест групи.
Место на ЕП 2026 веќе обезбедија домаќините – Романија, Полска, Чешка, Словачка и Турција, како и трите медалисти од ЕП 2024 – Норвешка, Данска и Унгарија.
Квалификациите ќе се играат во три термини: од 15 до 19 октомври 2025, од 4 до 8 март 2026 и од 8 до 12 април 2026 година.
Европското првенство 2026 ќе се одржи од 3 до 20 декември.
