Една од најдобрите ракометарки од Женската лига, Сара Цветановска, најверојатно за првпат ќе има нов клуб во својата кариера.
Цветановска во последните три сезони имаше одлични настапи за Куманово, а со својот матичен клуб настапуваше и на меѓународната сцена.
Нејзините игри не поминаа незабележано, неколку странски клубови покажаа интерес за 22-годишната ракометарка, па не е исклучена можноста кариерата во следната сезона да ја продолжи надвор од Македонија.
На нејзина адреса пристигнаа понуди и од домашни клубови и во следниот период Цветановска ќе го донесе решението за својата следна средина.
Одлуката ќе зависи од амбициите на клубовите, но и од тоа каде ќе има најдобри услови за понатамошен развој.