Репрезентацијата на Македонија во ноември ќе ги продолжи квалификациите за пласман на Европското првенство 2025. Во овој месец, нашата репрезентација на двапати ќе се соочи со Литванија. КФМ имаше желба домашниот меч со балтичката земја да се одигра во Куманово, во салата која што моментално се реновира, но поради проблеми со греењето, кошаркарската куќа на Македонија мораше да бара друго решение.
Натпреварот со Литванија ќе се одигра на 21 ноември во Скопје, додека реванш средбата три дена подоцна. Македонија, освен Литванија, во квалификациите за настап на континенталниот собир за ривали ги има уште Естонија и Полска. Кошаркарите на Македонија до овој момент имаа една победа, она против Полска, како и пораз од првото соочување со Естонија.