По продолжувањето на договорот со Страхил Николов, ТФТ постигна тригодишен договор и со македонскиот репрезентативец до 20 години – Михаил Стојанов кој веќе три години е во редовите на тимот од Тафталиџе. Со овие два потега менаџментот на ТФТ покажува дека мисли на својата иднина. Во наредните денови не се исклучува можноста за уште некое засилување пред почетокот на новата сезона со што би се комплетирал ростерот за натпреварувачка сезона 2024/25. Поранешниот Куп освојувач на Македонија првиот натпревар во новата сезона ќе го одигра против Куманово.
