Амбициозниот Охрид, кој ќе се бори за трофеј на европска сцена, денеска го претстави своето петто засилување.
Нов член на тимот предводен од Борис Ројевиќ ќе биде Адама Кеита. Искусното лево крило во македонскиот суперлигаш ќе пристигне од АЕК Атина.
28-годишниот Кеита, пред преселбата во Грција, девет сезони го носеше дресот на ПСЖ, клуб со кој стекна драгоцено искуство во Лигата на шампиони.
Французинот има постигнато 88 погодоци во најелитното европско натпреварување, а дел од неговите импресивни настапи за ПСЖ може да ги погледнете на видеото во продолжение.