Младинската екипа на Еурофарм Пелистер, по стапките на сениорскиот тим, со победа ја заврши натпреварувачката сезона.
Гостин во спортската сала „Боро Чурлевски“ беше тимот на Тиквеш, а на одиграниот натпревар беа постигнати дури 76 гола.
Младите пелистерци триумфираа со 39:37 (18:17) и сезоната ја завршија со 13 победи и првото место во плеј-аутот.
На денешниот натпревар најефикасен во победничката екипа беше Стефан Василевски со 13 погодоци, а новите засилувања за следната сезона во суперлигашот Еурофарм Пелистер 2, Андреј Георгиев и Јован Симоновски постигнаа девет, односно седум гола.
Кај Тиквеш се истакна Мики Лазов со 11 успешни реализации во мрежата на домаќините.