Во последното коло од младинскиот плеј-оф, во директна пресметка за втората позиција, се сретнаа Еурофарм Пелистер 2 и Бутел Скопје, а на победа вредна второ место се радуваа гостите од Скопје.
Младите бутелци триумфираа со 40:29 (20:14) и сезоната ја завршија со вкупно 18 победи, додека Еурофарм Пелистер 2 завршува како четвртопласиран во оваа натпреварувачка сезона. Третото место го освои Пролет, генерација која во кадетска конкуренција стигна до шампионска титула.
Христијан Гурмешевиќ беше прва офанзивна сила на гостинскиот тим и натпреварот го заврши со дури 15 погодоци (сите од игра), а го следеа Марко Каевски (5), Давид Јаневски (4) и Христијан Ристов (4).
Кај Еурофарм Пелистер 2, најрасположен беше Алдин Фехми со 13 погодоци, исто така сите од игра.