Машката репрезентација на Македонија утре ќе ги стартува подготовките за настапот на Светското првенство 2025. По собирот, репрезентацијата ќе замине во соседна Србија, поточно во Стара Пазова, таму ракометарите ќе бидат до 30 декември, потоа ги очекува неколку дена одмор, па по празниците вториот дел од подготовките ќе се одработи во Македонија.
Македонската експедиција на 7 јануари заминува во Хрватска и последниот дел од подготовките ќе биде одработен во Вараждин. Избраниците на Лазаров против Хрватска, која е еден од ко-организаторите на Мундијалот, ќе одиграат пријателски натпревар.
Репрезентацијата на Македонија е во група со Холандија, Унгарија и Гвинеја, а најдобрите три селекции ќе обезбедат место во главната фаза.