Репрезентацијата на Хрватска се пласираше во финалето на Светското првенство 2025, откако во полуфиналето славеше над Франција со 31:28. Хрватите одиграа фуриозно во првото полувреме, на пауза заминаа со предност од 18:11, а во вториот дел светскиот вицепрвак никако не можеше да направи камбек.
Предводници во победничката репрезентација беа Марин Јелениќ и Звонимир Срна, двајцата постигнаа по седум погодоци, шест додаде Иван Мартиновиќ, додека четири запиша екс ракометарот на Еурофарм Пелистер, Матео Мараш.
Хрватска во финалето, кое ќе се одржи на 2 февруари во Осло, ќе игра со подобриот од натпреварот меѓу Данска и Португалија.
На видеото подолу можете да ги погледнете најдобрите моменти на „коцкестите“ против „триколорите“.