Екипата на Студент Игокеа, во која настапуваат младите Коста Ќириловски и Марко Луканоски, ја освои титулата во Првата лига на Република Српска, откако трипати го совлада Приедор Спартак во финалната серија и обезбеди пласман во најквалитетното кошаркарско натпреварување во БиХ.
На последниот натпревар, одигран вчера, младиот тим од Лакташи со стил ја заврши сезоната, триумфирајќи со 76:66.
Првиот тим на Игокеа, поради обврските во АБА лигата, како и во ФИБА Лигата на шампионите, доколку настапува и наредната сезона, нема да учествува во домашното првенство, но затоа таму ќе настапува младиот тим на клубот, познат како „развоен тим“.