Тимот на Радовиш вечерва го имаше почетокот на подготовките за новата натпреварувачка сезона, во која главната цел повторно ќе биде обезбедување опстанок во најквалитетното домашно натпреварување.
Тренерот Александар Долдуров во новата сезона ќе може да смета и на Здравко Постолов. Искусниот ракометар одлучи да остане во Радовиш, и покрај неколкуте понуди од други домашни клубови.
Клубот за претстојната сезона се засили со Мартин Димов, Илија Табаков и Филип Сиљанов, сите тројца пристигнаа од Борец ФЛ, како и со Даниел Ацев (Амфикитонес Ламиа) и поранешниот младински репрезентативец Бобан Каковски, кој доаѓа од германскиот Цвикау, а најверојатно ќе има уште неколку засилувања.
Пред стартот на новата сезона, радовишани ќе одиграат неколку пријателски натпревари. Засега е познато дека ќе тестираат против Младост Богданци и Текстилец Штип.