Поранешниот младински репрезентативец Александар Ангеловски, кој во 2014 година замина во Франција, реши да се врати во својата татковина и повторно да го облече дресот на матичниот клуб Струга, пренесува порталот ЈАВИ СЕ ЈУЖНА.
Средниот бек има големо искуство. Во Македонија, покрај за Струга, настапуваше и за МРК и РК Вардар, Куманово и Зомимак од Струмица, додека во Франција беше дел од Белфорт, за овој тим играше до изминатата сезона.
36-годишниот ракометар присуствуваше на денешниот прв тренинг на Струга, екипа која во изминатата сезона преку бараж избори опстанок во најквалитетното домашно натпреварување.