Трендот на откажување на клубови од Првата лига продолжува – по Металург РА и Скопје, како и Борец ФЛ, од настап во прволигашката конкуренција се откажа и Астраион од Струмица.
Овој клуб, кој беше и дел од Супер лигата, во последните сезони колку-толку успеваше да опстои, но за новата сезона донесе одлука да не пријави екипа во Прва лига.
Причините се добро познати: недостиг од играчи, финансиски проблеми и недостаток на услови за нормално функционирање.
Со тоа, по повеќе од две децении, Струмица останува без ракомет, а тоа е лоша вест за ракометните љубители од овој град и играчите.
Новата сезона во Првата лига ќе стартува на 13/14 септември, а со откажувањето на Астраион бројот на учесници се намали на 13 клубови.