Екипата на Деспина, предводена од новиот тренер Зоран Спиркоски, победнички ја започна сезоната во Првата лига, откако на гостувањето во Скопје кај Шампион славеше со убедливи 29:12.
Прилепчанки одиграа рутински и немаа многу проблеми, а најрасположена во победничката екипа беше кадетската репрезентативка Анастасија Јованоска, која постигна седум погодоци, два помалку имаа Матеа Христоска и Магдалена Ѓорѓиоска.
Деспина во следното, 2. коло, на свој терен ќе ги одмери силите против амбициозниот Атлетик, клуб кој е главен фаворит за првото место во прволигашката конкуренција.