Наредниот викенд ќе се одигра последното коло за оваа година кај пионерите, а по осум одиграни кола, Охрид од Група А и Еурофарм Пелистер 2 од Група Б се единствените екипи кои имаат 100% учинок во досегашниот тек од сезоната.
Во натпреварот на непоразените во Групата Б, Еурофарм Пелистер 2 пред својата публика славеше над Алкалоид со осум гола разлика, 18:10. Младите битолчани во победата беа предводени од Андреј Китески, кој постигна пет погодоци, а солиден на голот беше и Данило Соколески. Кај поразениот табор, најефикасен беше Петар Митев со три погодоци.
Актуелниот бранител на титулата кај пионерите, Охрид, предводен од Илија Трајчевски (7) и Јован Спиркоски (6), славеше над Вардар со 23:16. Тимот на Наум Бабачев имаше фуриозен старт, поведе со 10:1, на полувреме замина со предност од 11:5 и рутински го одработи вториот дел. 7-те погодоци на Никола Никчевиќ во редовите на „црвено-црните“ не беа доволни за поволен резултат на гостите.
Тимот на Прилеп се радуваше на втора победа, откако славеше над Динг со 19:15. Домаќините во победата беа предводени од Бојан Наскоски, кој постигна дури 10 погодоци, а кај Динг се истакнаа Матеј Ковачески и Петар Дуноски со по четири реализации.
Во групата А, убедливи победи запишаа Пролет и Мулти Есенс, кои славеа против Еурофарм Пелистер, односно Бутел Скопје.
Новиот клуб на ракометната мапа во Македонија, Гемиџии од Велес, го победи Шампион со 36:9, со што се израдува на првата победа во дебитанската сезона.
Пионерска машка лига, 8. коло, резултати:
Група А
Прилеп – Динг 19:15 (8:9)
Охрид – Вардар 23:16 (11:5)
Пролет – Еурофарм Пелистер 21:12 (8:3)
Мулти Есенс – Бутел 33:13 (17:8)
Струга – слоб.
Група Б
Куманово – Тиквеш 23:15 (12:3)
Еурофарм Пелистер – Алкалоид 18:10 (8:4)
Македонија Ѓорче Петров – Младост 31:29 (15:10)
Гемиџии – Шампион 36:9 (17:3)
Најдобрите четири екипи од двете групи ќе обезбедат пласман во четвртфиналето. Битките за Ф4 се закажани за 2/3 и 9/10 мај, а завршниот турнир ќе се одигра на 16 и 17 мај.
ТАБЕЛА
Димитар Трајковски броеше до 14, пионерите на Македонија Ѓорче Петров се радуваа на четврта победа