Екипата на Тиквеш пред својата публика славеше против Струга со 32:25 и дојде до осма сезонска победа, па така кавадарчани со денешниот триумф се зацврстија на 5. позиција со 16 бода.
Избраниците на Кристијан Грчевски од првата минута беа во предност, кон средината на првиот дел имаа плус пет, 10:5, на моменти водеа и со седум-осум разлика, а на полувреме заминаа со предност од 18:12.
Струга се обидуваше да биде порамноправен ривал во вторите 30 минути, но домаќините ја одржуваа стекнатата предност, иако на моменти се опуштаа.
Најефикасни во победничкиот табор беа Томче Стојановски и Богдан Мијушковиќ со по пет погодоци, додека кај гостите се истакна Ахмед Мајдуб со седум реализации.
Супер лига, мажи, 14. коло, резултати:
Тиквеш – Струга 32:25 (18:12)
29/11, 17:30, Радовиш – Пролет
29/11, 18:00, Еурофарм Пелистер 2 – Куманово
29/11, 18:30, Прилеп – Бутел
29/11, 19:30, Охрид – Вардар
30.11, 19:30, Алкалоид – Еурофарм Пелистер