Репрезентативецот на Куба, 27-годишниот Адан Мартинез, е најновото засилување во македонскиот суперлигаш Куманово.
Кубанскиот голман денеска во Битола против Еурофарм Пелистер 2 го имаше својот деби настап во Супер лигата, а Македонија не му е прво искуство на Балканот.
Мартинез во изминатите две сезони настапуваше во Хрватска, поточно за Чаковец. Има играно и во Португалија, каде ги бранеше боите на Боа Хора, Спортинг Хорта и на вториот тим на Спортинг Лисабон.
Куманово досега на голманската позиција ги имаше на располагање Григор Трајковски и Христијан Михајловски.