Амбициозниот проект на Охрид добива ново засилување во името на Ален Ќосевски, кој во редовите на „гладијаторите“ пристигнува од вицепрвакот Вардар.
Ресенчанецот, кој шест и пол години го носеше дресот на Вардар, со Охрид се договори на соработка од една и пол сезона.
Ќосевски во тимот предводен од Борис Ројевиќ ќе биде замена за Гал Цирар, кој пред неколку месеци ја напушти Македонија и кариерата ја продолжи во Австрија.
Десното крило ги има минато сите младински категории во репрезентацијата на Македонија, а неговото име редовно се наоѓа на поширокиот список на сениорската репрезентација.
Охрид на позицијата десно крило на располагање го има и искусниот Дарко Ѓукиќ, исто така поранешен ракометар на „црвено-црните“.