Машката кадетска репрезентација на Македонија забележа убедлива победа над Црна Гора со 36:21 на пријателски натпревар како дел од подготовките за настапот на Европското кадетско првенство во Србија.
Двете репрезентации утре повторно ќе одиграат контролен натпревар, а селекторот Горан Кузманоски вечерва имаше можност да провери и некои нови сили, со оглед на тоа што недостасуваа неколку играчи.
Најефикасни во редовите на Македонија беа Бобан Поповски со седум и Јован Петрески со шест погодоци.
Исто како и Македонија, репрезентацијата на Црна Гора ќе учествува на предстоечниот континентален собир на кадетите.