По постигнатите 15 погодоци против Јехона во Првата лига, членката на Стружанка, Еџе Сејадин, повторно имаше гол шоу, овојпат во кадетска конкуренција.
Стружанка во рамките на 8. коло го пречека Овче Поле Славјански Универзитет и славеше со 28:16, а Сејадин го заврши натпреварот како најефикасна со 14 погодоци.
Талентираната ракометарка во редовите на Стружанка пристигна кон крајот на септември минатата година, а на пет натпревари во кадетската лига постигна вкупно 43 погодоци, што ја прави моментално најдобар стрелец во лигата.
Освен Сејадин, одлично во победничката екипа се покажа и кадетската репрезентативка Марија Дуновска, која имаша над 15 интервенции.
Кај гостинките, Мелита Петрова и Тијара Темелковска беа најефикасна, двете имаа по четири успешни реализации во мрежата на домашниот тим.