Шампионот се раздели со Кајо Цикатиќ

200

Актуелниот шампион на Македонија, Еурофарм Пелистер, спогодбено го раскина договорот со ракометарот Кајо Цикатиќ пред планираниот истек.

На пријателски начин ракометарот и клубот одлучија да ги раздвојат своите патови по шест месеци соработка.

Цикaтиќ дојде во Битола од хрватскиот клуб Горица во летото 2024 година. Во битолскиот клуб настапи во домашното првенство и Лигата на шампионите.

По заминувањето на Цикатиќ, во тимот на Еурофарм Пелистер остануваат тројца пикери – Жарко Пешевски, Самоил Ристевски и Мохамед Мамдух Шебиб.

Порталот користи колачиња за да го подобри вашето искуство. Можете да се откажете во секое време. Прифаќам Повеќе