Репрезентацијата на Хрватска на Светското првенство 2025 го освои сребрениот медал, откако во финалето беше поразена од Данска со 32:26. Хрватите, кои со многу среќа стигнаа во полуфиналето, а таму ги елиминираа Французите, во финалето немаа решение како да ја запрат брзата Данска, па така од Осло си заминаа со сребро.
Министерството за спорт и туризам на Хрватска ќе им исплати бонуси на ракометарите за освоениот медал на Светското првенство. Секој репрезентативец ќе добие по 12.500 евра од државата за среброто, а исто толку ќе добие и предводникот Дагур Сигурдсон. Остатокот од стручниот штаб на ,,коцкестите” ќе ја подели сумата од 17.000 евра.