Кошаркарите на Пелистер не успеаја да дојдат до втората победа во АБА 2 лигата, откако на денешното гостување во Подгорица кај истоимената екипа загубија со 90:78. Битолскиот тим беше подобар во првата, втората и третата четвртина (22:21, 21:20 и 26:22), но домаќините одиграа одлично во последните десет минути и беа повеќе пофокусирани, доволно за да се израдуваат на првата сезонска победа, додека Пелистер одигра очајно во последните седум-осум минути. Победничкиот тим беше предводен од Балша Живановиќ, кој зад своето име запиша 24 поени. Кај Пелистер најдобри поединци беа новите засилувања – Маркус Едварс со 20 и Никола Мишковиќ со 12 поени. Во следното, 3. коло од АБА 2 лигата, тимот на Пелистер на свој терен ќе го пречека Џокер од Сомбор.