Една од странските ракометарки која остави силен впечаток во последните сезони во Супер лигата е интернационалката од Црна Гора, Сузана Зечевиќ, која одлучи дека ѝ е потребен поинаков предизвик од сегашниот во Македонија.
Црногорката по пет сезони минати во Супер лигата, настапувајќи за Куманово, Металург Автокоманда и Спартак, ќе се пресели во Словачка и таму ќе го носи дресот на најтрофејниот тамошен клуб – Слован Дусло.
Зечевиќ е ракометарка која може да одигра на сите бековски позиции, а на годинешниот Ф4 турнир од Купот во Струмица, на кој Спартак стигна до финалето, беше прогласена за најдобар стрелец.
Со тимот на Куманово, во кој настапуваше до сезона 2023/24, стигна до трофејот во Купот во 2023 година, кога во финалето во Охрид беше совладан Вардар.
На репрезентативно ниво ги мина сите младински селекции на Црна Гора.