Кошаркарите на Гостивар со стил ја завршија годината, откако во 12. коло од прволигашката конкуренција беа убедливи над Вардар, триумфираа со 86:62. Гостивар со денешната победа дојде до 8. позиција, која води до пласман во плеј-оф фазата, но до крајот од регуларниот дел има уште многу да се игра.
Избраниците на Љупчо Малинков победата ја обезбедија уште во првата четвртина, која ја добија со 28:9 и рутински ги одиграа преостанатите 30 минути.
Хавиер Родс и Соколов со по 14 поени беа најрасположени кај Гостивар, додека Бајрам со 18 поени беше најдобар кај поразениот табор.
Прва лига, 12. коло, резултати:
Пелистер – Тиквеш 95:88
Феникс – Работнички 73:71
Куманово – ТФТ 78:59
МЗТ – Шкупи 90:54
Кожуф – Чаир 86:63
Гостивар – Вардар 86:62
Табела: МЗТ 21, Пелистер 21, ТФТ 21, Кожуф 20, Куманово 20, Работнички 19, Чаир 19, Гостивар 17, Феникс 16, Тиквеш 15, Шкупи 15, Вардар 12