Машката репрезентација на Македонија денеска ќе има нов предизвик на Светското првенство 2025 во Данска, Норвешка и Хрватска.
Македонија во рамки од 2. коло од главната фаза ќе се соочи со Катар, кој во првото коло беше поразен од Холандија, додека избраниците на Кире Лазаров освоија бод против Австрија.
Денешниот натпревар за Македонија е од големо значење, со евентуална победа ќе има големи шанси за добар пласман на Мундијалот.
Селекторот Кире Лазаров очекува уште еден неизвесен натпревар.
,,Катар имаше одлични натпревари на Светското првенство. Борбена селекција со многу натурализирани играчи кои прават разлика на теренот. Нè очекува уште еден неизвесен натпревар. Очекувам уште еднаш да бидеме на високо ниво. Ќе видиме дали тоа ќе биде доволно за позитивен резултат”, изјави Лазаров.
Натпреварот меѓу Македонија и Катар е на програмата од 15:30 часот.