Машката репрезентација на Македонија на 12 март во Скопје против Словенија ќе го одигра третиот натпревар од квалификациите за пласман на континенталниот собир 2026.
Четири дена подоцна, односно на 16 март, избраниците на Лазаров ќе гостуваат во Копер и ќе се обидат на двата натпревари да остварат позитивен резултат.
Селекторот на Словенија, Урош Зорман, ги истакна своите очекувањата за соочувањето со „црвено-жолтите“.
,,Против Македонија ни претстојат два важни натпревари од квалификациите за ЕП 2026. Секако дека очекуваме многу од нив, тие се сериозна репрезентација, негуваат брз, модерен ракомет, а во последните години многу вложуваат во ракометот и се во подем. Сигурно ќе играат пред полни трибини дома, но навикнати сме на таква атмосфера и не треба тоа да влијае врз нас”, изјави Зорман.
Како што е познато, нашата репрезентација квалификациите ги започна со победа над Естонија и пораз од Литванија.