Екипата на Алкалоид во недела (20:30 часот) ќе го одигра реванш натпреварот од финалето во Европскиот Куп против АЕК Атина. Средбата ќе се одигра во СЦ „Борис Трајковски“, кој ќе биде исполнет до последното место.
Момците на Кире Лазаров на првиот натпревар во Атина славеа со 29:25, а во реваншот ќе треба да влезат максимално фокусирани, бидејќи клубот од грчката престолнина нема лесно да се откаже.
Пред неделниот натпревар, ЕХФ објави во кои земји ќе може да се следи реваншот во Скопје. Во Македонија, ракометните љубители ќе можат да го гледаат на Арена Спорт, а низ Европа натпреварот ќе се пренесува во повеќе од 20 земји – Данска, Франција, Германија, Шпанија, Норвешка, Полска…
