Грчкиот второлигаш Аминтас, кој го предводи прилепчанецот Адријано Котевски, а за кој настапуваат неговите сограѓани Синиша Павлов, Стефан Лозаноски и Владимир Трајкоски, врза две победи по ред, откако беше подобар и од Пилаис со пет гола разлика, 36:31.
Најголема заслуга за победата оди токму на сметката на прилепчаните – Лозаноски постигна осум погодоци, Павлов додаде седум, а Трајкоски погоди четири пати.
Аминтас по пет одиграни кола се наоѓа на 6. позиција со четири бода, а во следното коло избраниците на Котевски ќе ги одмерат силите со Волос, кој во досегашниот тек од сезоната има три победи.