Екипата на Прилеп го одигра најдобриот натпревар сезонава, откако пред својата публика славеше над Бутел Скопје со 30:20 и со освоените два бода ги задржа шансите за пласман во плеј-оф фазата.
Водството на Прилеп од 12:3 во 18-та минута доволно говори за тоа со каква сила играа гостите, кои мака мачеа да го пронајдат патот до мрежата на домаќинот во првите 30 минути.
Прилепчани на пауза заминаа со предност од 15:7, а и во второто полувреме доминираа исто како во првиот дел.
Многу поизвесно беше во Битола, каде што Еурофарм Пелистер 2 славеше над Куманово со 30:28. Иако гостите имаа шанса да се изборат за бод, сепак, во последните две минути промашија две контри за израмнување, при што Мохамед Азиз Бен Махуд од пенал стави крај на неизвесноста.
По серијата од четири порази, тимот на Пролет со убедливата победа над Радвиш од 30:23 се врати на победничките патеки, со што остана во игра за плеј-оф.
Супер лига, мажи, 14. коло, резултати:
Тиквеш – Струга 32:25 (18:12)
Радовиш – Пролет 23:30 (10:15)
Еурофарм Пелистер 2 – Куманово 30:28 (19:15)
Прилеп – Бутел 30:20 (15:7)
29/11, 19:30, Охрид – Вардар
30.11, 19:30, Алкалоид – Еурофарм Пелистер