Едно од новите засилувања на шампионот Вардар за следната сезона, Мохаб Абделхак, ќе има убава можност на најдобар начин да го заврши својот престој во Кил.
Египетскиот десен бек и „зебрите“ изборија пласман во финалето на Лигата на Европа, откако во полуфиналето на Ф4 турнирот во Хамбург славеа над Монпелје со 29:28.
Херој на Кил беше голманот Волф, кој со двојна интервенција во последната секунда спречи продолженија, а Абделхак постигна еден гол.
Ривал на Кил во утрешното финале (18:00 часот) ќе биде Мелсунген, тимот на екс-тренерот на Вардар, Роберто Гарсија Парондо, како и на поранешниот член на „црвено-црните“, Даинис Кристопанс.