На 29 јули во Белград стартува Европското кадетско првенство, а меѓу учесниците ќе биде и репрезентацијата на Македонија, предводена од селекторот Горан Кузманоски.
Нашите надежи ќе имаат тешка задача, бидејќи се во група со Франција, Шведска и Словенија, а само најдобрите две репрезентации ќе обезбедат пласман во главната фаза.
Распоред на натпревари, групна фаза:
29.07, 12:00 часот: Словенија – Македонија
30.07, 12:00 часот: Франција – Македонија
01.08, 12:00 часот: Македонија – Шведска
Македонија имаше одлични подготовки – првиот дел го одработи во Австрија, додека вториот во Скопје, каде што одигра два пријателски натпревари против Грција и на двата успеа да триумфира.
Актуелен европски кадетски шампион е репрезентацијата на Шведска, која пред две години ја освои титулата на првенството во Црна Гора.