Овој викенд ќе се одиграат натпреварите од 15. коло од Супер лигата, а во Битола второто сезонско соочување ќе го имаат двата најголеми ривали, актуелниот шампион Еурофарм Пелистер и вицепрвакот Вардар, кој во досегашниот тек од сезоната има 13 победи, а битолскиот тим 12.
Натпреварот меѓу Еурофарм Пелистер и Вардар е закажан за в сабота (14 декември), со почеток од 18:00 часот во спортската сала „Боро Чурлевски“ која сигурно ќе биде претесна да ги собере сите љубители на ракометот.
Вардар на првото сезонска пресметка со пелистерци успеа да триумфира со три гола разлика, 27:24. Тогаш Вардар беше предводен од Владо Недановски, додека на клупата на пелистерци беше Бранко Ангеловски.