Актуелниот шампион Еурофарм Пелистер ја информираше јавноста дека соработката со тренерот Стевче Алушовски е прекината. По неколку дена на шпекулации, денеска клубот официјално потврди дека Алушовски повеќе нема да ја води екипата. До крајот на сезоната, во преостанатите пет средби, тимот ќе го води асистентот Алексо Лембанов.
Првично се очекуваше Алушовски да остане до завршетокот на сезоната, но по поразот во Купот на Македонија односно елиминацијата од Охрид во полуфиналето, двете страни решија да се разделат.