Екипата на Овче Поле Славјански Универзитет вечерва пред својата публика во Свети Николе го одигра последниот сезонски натпревар и го освои третото место во прволигашката конкуренција.
Гостин во Свети Николе беше новиот суперлигаш, амбициозниот Атлетик, кој си замина победнички со 32:24, а резултатот и кај двете екипи беше во втор план.
Кај домаќинките одлична партија имаше Јована Ангеловска, која натпреварот го заврши со девет погодоци, Елена Вучевска постигна четири, а Наталија Манева три гола.
Во составот на победничката екипа се истакнаа Андреа Конеска со седум, Сара Богојеска со шест и Исидора Котевска со пет погодоци.
Овче Поле Славјански Универзитет во оваа сезона успеа да оствари 16 и освои 30 бода, а за наредната сезона, тимот ќе се обиде да направи кам-бек во најквалитетното женско сениорско натпреварување, откако годинава за влакно не успеа да обезбеди суперлигашки бараж.