Поранешниот член на Еурофарм Пелистер, Реине Табоада, дебитираше за репрезентацијата на Холандија во рамките од Златната лига против Фарски Острови.
Кубанецот пред неколку месеци доби холандски пасош (неговата сопруга е Холанѓанка), па „лалињата“ ќе можат да сметаат на него и за ЕП 2026.
По заминувањето од Еурофарм Пелистер, Табоада се пресели во Данска, каде имаше одлични настапи за Фредериција.
За оваа сезона за него покажаа интерес неколку големи клубови, меѓу кои ПСЖ и Кил. Сепак, искусниот ракометар одлучи да потпише со Бенфика.