Македонскиот интернационалец Синиша Павлов имаше одлична партија во дресот на Аминтас, тим предводен од искусниот стратег Адријано Котевски, а во кој настапуваат уште двајца прилепчани – Стефан Лозаноски и Владимир Трајкоски.
Аминтас во натпревар од 8. коло од Втората лига на Грција успеа убедливо да триумфира против Понтиои со 36:29, па така избраниците на Котевски се израдуваа на третата сезонска победа.
Павлов беше нерешлива енигма за гостите и успеа да погоди дури 12 пати, додека Лозаноски и Трајкоски имаа по пет успешни реализации.