Ракометарите на Вардар во првото коло од Лигата на Европа пред својата публика славеа против Валур со 33:26. Избраниците на Владо Недановски со победата дојдоа со одличната игра во двете полувремина, на пауза имаа 21:15 и не му дозволија на гостинот од Исланд да има било каква надеж за камбек во вториот дел. Најефикасни во редовите на македонскиот вицепрвак беа Вуко Борозан и Марко Срдановиќ, двајцата постигнаа по шест погодоци, а на голот Еспиња имаше 14 интервенции. Вардарци во второто коло ќе гостуваат во Германија кај Мелсунген.