Последната европска вечер во Битола за оваа сезона не донесе победа, туку нешто многу поголемо. Уште еднаш потврди дека Еурофарм Пелистер знае да се носи со европските гиганти и дека салата „Боро Чурлевски“ останува тврдина и кога на спротивната страна стои гигант како ПСЖ ( клуб кој можеби го има најголемиот буџет во Европа).
Кога изгледаше дека бодовите заминуваат за Париз, сѐ случи чудо. Десет секунди до крај, минус еден и напад за гостите, сценарио што ретко кој го преживува, но Битола верува до последен здив.
Хеидарирад им одбрани на гостите, а потоа топката дојде до Манасков, кој со ладнокрвна реализација го запечати ремито што се славеше како победа.
