Ракометарките на Овче Поле Славјански Универзитет им се вратија на победите во прволигашката конкуренција, откако во натпревар од 17. коло рутински ја совладаа најмладата екипа на сениорско ниво Шампион.
Домаќинките доминираа во двете полувремиња, а крајниот резултат од 41:13 (26:6) јасно покажува како течеше натпреварот.
Најефикасна на натпреварот беше Анастасија Сентовска со 12 погодоци, осум постигна Наталија Манева, додека Јована Ангеловска додаде седум. Кај гостинките, Јована Васовска се истакна со шест гола.
Следен предизвик за избраничките на Илија Бетувски ќе биде Куп натпреварот против Деспина.