Повратникот во Супер лигата, Младост, вчера го имаше првиот собир, а тренерот Горан Андоновски на располагање ги имаше ракометарите кои останаа од минатата сезона, но и новите засилувања со кои клубот ќе се обиде да избори опстанок во најквалитетното домашно натпреварување.
Позитивна вест за спортските љубители во Богданци и околината е што, паралелно со создавањето на тимот, клубот заедно со Општина Богданци, но и со поддршка од бизнис-секторот работеше и на подобрување на условите во и околу спортскиот објект „Млаз“.
Реновиран е голем дел од спортскиот објект, со цел да се создадат подобри услови за тренинзи и одигрување на натпреварите.
Младост сезоната ќе ја стартува на гостински терен против Бутел, додека во 2. коло на домашен терен ќе го пречека амбициозниот Прилеп.