Македонскиот вицепрвак Вардар на гостувањето во Португалија кај Порто беше убедливо поразен со 13 гола разлика, 37:24 (17:10). За Вардар ова беше трет пораз во групната фаза во Лигата на Европа, додека Порто успеа да ја запише втората победа, двата триумфа на португалскиот тим се против „нрвено-црните“, но има и бод освоен од натпреварот со Валур, па така сега Порто има пет бода, Мелсунген три повеќе, односно 8, Вардар остана на 2, а Валур на еден бод.
Вардар може да се надева на место во ТОП 16 во Лигата на Европа само доколку двапати победи, против Валур во гости и дома со Мелсунген. Но ќе треба да чека и кикс на Порто, на дуелите со Мелсунген и со Валур. Порто веќе киксна на Исланд, но на свој терен ќе биде голем фаворит против исландскиот тим.