Екипата на Партизан од Гевгелија пред својата публика одигра според планираното против „фенерџијата“ Кичево, триумфирајќи со убедливи 44:26 во рамките на 14. коло, последно за оваа календарска година, од прволигашката конкуренција.
За Партизан ова беше 6-та сезонска победа, односно втора во низа, откако во претходното коло успеа да слави и против Овче Поле.
Гевгеличани уште од самиот старт започнаа да ја градат предноста, поведоа со 10:1, на полувреме имаа плус 14 (25:11), па вториот дел повеќе наликуваше на формалност.
Предводник во победничката екипа беше Димитар Атанасов со девет погодоци, додека по седум постигнаа Илија Пејковски и Мартин Ашовалиев.
Кај Кичево, тројца ракометари имаа по седум реализации – Давор Јакимовски, Филип Тошев и Славко Бошковиќ.
Прва машка лига, 14. коло, резултати:
Партизан – Кичево 44:26 (25:11)
Преспа – Јехона 23:25 (11:13)
Вардар Неготино – Овче Поле 43:24 (23:15)
14/12, 19:00, Аеродром – Текстилец
14/12, 19:30, Шампион – Драчево Јуниор
16/12, 17:30, Мулти Есенс – Македонија Ѓорче Петров
Младост – слоб.