Денеска стартува главната фаза на Европското првенство кое се одржува во Данска, Норвешка и Шведска, а по завршувањето на групната фаза капитенот на Македонија, Филип Кузмановски, се наоѓа на третото место на листата на најдобри стрелци на континенталниот собир.
Битолчанецот на три натпревари постигна 28 погодоци од 43 обиди (65,1% успешност), а пред него се Ѓорѓи Цковребадзе од Грузија и Франциско Кошта од Португалија, двајцата со по 29 погодоци.
Кузмановски по групната фаза е и најдобар пеналџија на ЕП, без ниту едно промашување (12/12), а воедно се наоѓа и меѓу најдобрите асистенти на Европското првенство.
Македонија настапот на Европското првенство го заврши на 14. позиција, со биланс од една победа, едно реми и еден пораз.