Македонскиот шампион Вардар денеска означи стартот на подготовките за новата натпреварувачка сезона. На денешната прозивка, тренерот Иван Чупиќ ги имаше на располагање сите ракометари кои останаа во тимот, како и новите засилувања.
Дресот на најтрофејниот македонски ракометен клуб клуб го облекоа новите засилувања – Мохаб Абделхак, Леон Љевар, Милан Бомаштар и Матео Фадуил, како и младите Бобан Поповски, Марко Ѓорчески и Никола Нечовски.
Вардарци за новата сезона добија вајлд-карта за настап во Лигата на шампионите. „Црвено-црните“ по неколку сезони пауза повторно ќе бидат дел од европската елита.
Во рамките од групната фаза, тимот на Вардар ќе се соочи со Мелсунген, Нант и Висла Плоцк.