По ангажирањето на тренерот Бранислав Ангеловски, вториот тим на битолчани работи на составување на играчкиот кадар за претстојната сезона.
Едни од желбите на „двојката“ се поранешните младински репрезентативци Давид Димевски, најдобриот стрелец во Супер лигата за сезона 2024/25, и членот на Прилеп, Божидар Илиески.
Димевски настапуваше за кадетската и младинската репрезентација на Македонија, додека Илиески исто така беше дел од двете репрезентативни селекции во периодот од 2021 до 2022 година.
Прилепчанецот Илиески имаше одлична сезона во дресот на својот матичен клуб по враќањето од Мулти Есенс, а претходно во Автокоманда беше дел и од Алкалоид.
Доколку се реализираат трансферите, тогаш Еурофарм Пелистер 2 ќе добие две сериозни засилувања, кои со својот квалитет и суперлигашко искуство би можеле да направат разлика на теренот.
Како дел од подготовките за новата сезона, младите пелистерци ќе настапат на меморијалниот ракометен турнир „Миле Нешкоски“ во Прилеп.
Најдобриот суперлигашки стрелец од пред една сезона ќе има нов клуб